Temba Travel

EUROPA JIPTOER PROGRAM 2020

Toer saam met die mense met 28 jaar ondervinding

Tel: +27 (0) 21 855 0395
BESPREEK NOU>>

Program vir die Julie Jiptoer.

(Media 24, Die Burger, Beeld of Volksblad is nie betrokke by die toer nie)

 

 

Saterdag 13 Jun. Vertrek:  Bon voyage! Ons vertrek vanaf Kaapstad Internasionale lughawe na Dubai om 16:20 aan boord vlug EK771

 

Sondag 14 Jun. Amsterdam:Ons arriveer om 13:45 in Amsterdam. Ons bus tel ons op by die lughawe, waarna ons die vissersdorpie, Vollendam, besoek. Na ons besoek aan Vollendam vertrek ons na Vliegenbos, digby die middestad, waar ons vir 3 nagte gaan bly. Vanaand besoek ons die rooilig gebied indien dit dan nog besaan.

 

 

Maandag 15 Jun. – Amsterdam: Vandag besoek ons Anne Frank se huis, Van Goch museum en die Rijksmuseum waar jy Rembrandt se Nagwag kan sien. Na ‘n oggend gevul met kuns is jy vanmiddag vry om Amsterdam op jou eie te verken. Vanaand kan jy Amsterdam gaan beleef.

 

Dinsdag 16 Jun. – Amsterdam – : 

Voordat jy nie op ʼn fiets deur die strate van Amsterdam gery het, het jy Amsterdam nie regtig beleef nie. Daarom huur ons vir elkeen ʼn fiets waarmee jy die stad plat kan ry en Amsterdam werklik kan ervaar.


 

Woensdag 17 Jun. - Parys: Vive le France!  Vanoggend neem ons afskeid van Amsterdam en reis per bus na Parys. ‘n Stadstoer deur skone Parys gaan ons vanaand na wêreldbekende besienswaardighede soos die Notre Dame-kerk (al is hy gedeeltelik afgebrand), Gustav Eiffel se toring, die Seine-rivier, en nog vele meer neem.

 

Donderdag 18 Jun. - Parys:Et aujourd’hui, Bonjour paris!  Ons doen 'n stadstoer te voet van Parys waarin julle ook baie vrye-tyd gaan kry. Ingesluit: is die toegang tot die Louvre museum. Vanaand eet ons by die Eiffel Toring en dit is altyd een van die lekkerste en opwindendste aande. Daar is reuse-grasperke en jongmense geniet dit altyd hier.
Ongelukkig mag die weer ons pootjie of die lang toue mag jou moedeloos maak. Normaalweg is daar genoeg tyd om ook die toring van binne en die omgewing van bo te bewonder. Begroot Euro 10 vir vervoer binne die stad.

 

 

Vrydag 19 Jun. Parys – Lusern: Au Revoir, Paris!  Ons ry vandag per bus vanaf Parys na Switserland, tot in Lusern.


Saterdag 20 Jun.- Lusern :Ons besoek aan Lucerne is daarop gemik om die geleentheid te kry om die pragtig Alpe en die mere tussen die Alpe te sien en te geniet. In Switserland gaan dit beslis nie in die eerste plek oor inkopies of geskiedenis nie. Dit gaan daaroor om die mooiste deel van die skepping te beleef. As die weer mooi is, is die hemel diep blou, die mere en die sneeu help alles om ’n volmaakte prentjie te vorm.


Vanoggend besoek ons berg Pilatus (opsioneel). As jy besluit om hierdie ekskursie mee te maak gaan jy met ’n boot op die mooiste meer vaar, voordat jy met ’n rat trein die bergspitse gaan besoek. Van daar gaan jy eers met ’n reuse kabelkar berg af en dan vir die laaste paar kilometer met ’n klein kabelkar of ski-lift. Vanmiddag is jy vry om ‘n bietjie uit te vind of Switserland se sjokolade regtig so lekker is soos almal sê.

 

 

Sondag 21 Jun. - Lusern: Vandag besoek ons die St. Gothard Pass. Jy kry die geleentheid om Switserse koue te ervaar en een van die mooiste bergpasse ter wêreld te besoek. Die kort reis daarheen, die pragtige berge, mere en sneeu maak dit ’n wonderlik uitstappie. Ons sal namiddag vroeg in Lucerne wees sodat jy besienswaardighede soos die Leeu-monument kan besoek.

 

 

 

Maandag 22 Jun. tot Donderdag 25 Jun. Lucerne - Nice:  Ons ry deur die wêreld se langste tonnel die St. Gothard tonnel, tot in Italië en dan al langs die Mediterreense see tot in Nice langs die bekende Franse Riviera. Onderweg gaan ons deur meer as 200 tonnels en ongeveer oor net soveel brûe. Verseker is dit een van die mooiste roetes waarlangs mens kan ry, op die ganse aarde.


Ons bly vir drie nagte baie naby die strand in 'n hotel. Julle gaan vry wees om jou eie dag te beplan en te kom en te gaan soos wat jy wil, met baie min beperking. Ons enigste uitstappie is ons besoek aan Monaco, waar ons nie alleen die bekende Formule1 renbaan sal sien nie, maar ook sal beleef hoe die heel rykste mense leef.


Die strande van Nice is speelplek van die wêreld se rykstes en ons gaan net lekker ontspan op die strande. Natuurlik kan jy ook die talle besienswaardighede op jou eie verken. Ons gee vir jou ’n boekie om jou daarmee te help.


Nice bied ideale ruskans na ons baie stappery in die groot stede. Jy gaan vry wees om te kom en gaan soos jy wil met slegs geringe beperkings. Drie persone deel 'n kamer en geen etes is ingesluit by Nice nie.

Donderdag 25 Jun. – Saterdag 27 Jun. Nice tot Venesië:  Ons kampeerterrein in Venesië is ‘n paradys vir jongmense. Ons doen ‘n stadstoer (te voet) van Venesië. O sole mio - ‘n romantiese rit in ‘n Gondel is opsioneel. Vanmiddag is jy vry om al die gangetjies en stegies van Venesië te verken.
Wanneer daar nie wind is nie kan die muskiete deksels lastig wees in Venesië. Onthou om voorsorg te tref.

 

Saterdag 27 Junie Venisë tot Pisa: Ons ry via Floraans na Pisa waar ons die aand gaan oornag. Julle sal die middag hê om Floraans te besoek. Vanaand het jy die geleentheid om die leunende toring van Pisa te besoek.

 

 

Sondag 28 Jun. tot Woensdag 1 Jul Pisa tot Rome:  Ons reis tot in die antieke stad Rome waar ons vir drie nagte vertoef. Rome is ‘n groot stad met baie besienswaardighede. Ons doen ‘n stadstoer. Die res van die tyd is jy vry om al die antieke wonders en ander opwindende plekke te besoek.

 

 

Rome is 'n onoortreflike stad met besienswaardighede en kuns wat oor baie eeue daar gevestig is. Nieteenstaande is dit ons verblyfplek wat die hoogste punte deur die meeste jongmense gegee word.

Daar is 'n swembad en kuiergat wat deeglik benut word. Op hierdie toer gaan jy baie vryheid hê en dit is veral in plekke soos Rome waar jy dit sal beleef. Dit is nietemin baie noodsaaklik dat jy ook sal verstaan dat daar perke is. Daardie perke word in die aansoekvorm skriftelik uiteengesit en ons sal beslis nie toelaat dat dit oorskry word nie. Dit is ongelukkig so dat die kuierplek in Rome ook tot botsings met die toerleiers kan lei.

 

 

 

Woensdag 1 Jul - Rome - Sorrento: Dit is nie ver van Rome tot Sorrento nie en ons gaan onderweg by Pompeii stop. In die middag besoek ons eers die bouvalle van Pompeii voordat ons na ons verblyf in Sorrento vertrek.

 

 

Donderdag 2 Jul Sorrento - Capri:  Die bootvaart na Capri is opsioneel, maar sodra jy daar kom is daar 'n groot verskeidenheid aktiwiteite waaraan jy kan deelneem. Jy kan die eiland te voet, met 'n Poegie of per Taxi verken. Julle kan 'n boot huur en om die eiland vaar. Dit sal jou die geleentheid bied om heerlik te swem en te duik in die warm water van die Mediterreense see. Die blou grotte van Capri is wêreld bekend en 'n besoek aan die grotte is altyd 'n belewenis, maar dikwels nie moontlik nie, a.g.v. die baie lang toue.

 

 

Vrydag 3 Jul Sorrento - Rome - Dubai: Ons laaste dag in Europa het aangebreek. Daar word afskeid geneem van Sorrento en die hele Europa. Om 07:00 vertrek ons na die Lughawe by Rome en om 16:00 vlieg ons na Dubai.

Saterdag 4 Jul Huis toe: : Ons arriveer in Kaapstad om 11:25. Vanaand is die laaste aand van die toer. Julle kan gerus met julle ouers reël om julle iewers af te laai sodat julle deurnag en sonder enige beperking of reëls kan partytjie hou. Watter beter manier kan daar wees om afskeid te neem van jou nuwe vriende.