Temba Travel

EUROPA JIPTOER 2020

'Toer saam met die mense met 28 jaar ondervinding

Tel: +27 (0) 21 855 0395
BESPREEK NOU>>

 

 

TOERKOSTE

Die prys van die toer beloop R42 510.00 vanaf Kaapstad of Johannesburg. Die toer kan slegs per EFT of kontant betaal word. Geen kredietkaarte sal aanvaar word nie. Die prys is onderhewig aan ʼn valuta prys van R15.66 teenoor die Euro. Indien die valuta of die vliegkaartjie verander sal die prys weer aangepas word. (enige rigting) Die finale prys sal op 20 April 2020 bereken word.


Hoe word die finale koste bereken? Daar word R12 500 synde die vliegtuigkaartjie en administrasie van die totaal afgetrek. = R30004. Die R30004 word dan deur die oorspronklike wisselkoers gedeel. R30004 ÷ 15.66= € 1916 Dit is die Euro bedrag vir die toer en die werklike koste van die land reëlings. Die €1916 word dan vermenigvuldig met die aankoop wisselkoers van die dag bv €1916 x 15.00 = R28740.00. Dan word die R12 500 weer bygetel. As die wisselkoers versterk na R15 sal die toer prys dus daal na R41240. Indien die wisselkoers sou verswak raak die prys natuurlik meer.

WANNEER BETAAL EK?

Die eerste deposito van R 4000-00 is betaalbaar met bespreking. 'n Verdere R4000 is betaalbaar op 1 Desember 2019. Die balans sal op 1 MEI 2020 betaalbaar wees.

WAT IS INGESLUIT BY DIE PRYS:

  • Ekonomiese klas retoer vliegtuigkaartjie vanaf Kaapstad of Johannesburg. Let wel Lughawe belasting van +-R3000 is nie ingesluit nie.
  • Alle vervoer soos op die program aangedui.
  • Alle besienswaardighede, stadstoere en vaarte soos op die program aangedui as ingesluit.
  • Akkommodasie in ʼn hostel of Chalets.
  • Aandete en Ontbyt

UITGESLUIT BY DIE PRYS:

  • Visums en paspoorte. Ons sal jou behulpsaam wees met die verkryging van die visums. Jy sal egter die koste daarvan te wete, 90 Euro, moet betaal.
  • Toere nie in die program as deel van die toer genoem nie. Museumfooie en toegangsgelde wat nie ingesluit is by die program nie.
  • Sakgeld: Niemand mag meer as Euro 1000 sakgeld saamneem nie en 600 is meer as voldoende
  • Middagetes
  • Versekering +- R600.
  • Lughawe belasting. Ons verwag dat dit minder as R3000 sal wees
  • Middagetes

TOER KARAKTER:

Daar is baie vrye tyd.
Akkommodasie is beslis nie luuks nie. Soms slaap tot 6 persone in een slaapsaal. Badkamers is selde binne die kamers.
Die Europese kampeerterrein is nie naastenby so skoon soos die in Suid-Afrika nie.
Daar word soms van jou verwag om te help met skottelgoed en ander klein takies.
Jy word as jong volwassene hanteer, maar enkele reëls word streng toegepas. As jy nie by die reëls soos vervat in die ooreenkoms wil hou nie, moet jy asb. nie inskryf nie.
Dit is beslis nie ʼn drinkers toer nie en Christelike norme word gehandhaaf.
Daar is verpligte uitstappies.