PARIS

"Jy gaan te veel goed in pak en jy gaan spyt wees daaroor" Wie sê?
Dit is vanjaar ons vierde April toer en ek staan weereens verstom oor die leegierigheid, wye belangstelling en fantastiese gesindheid van die April toerlede. Ek glo dat die jongmense het waarskynlik net soveel op hierdie vier toere in April geleer as op 15 Junie toere saam. Moontlik het dit iets met die korter dae of koeler (en daarom beter) weer te make, Ek weet nie, maar vanjaar se grope verstaan die kuns om hard te werk, lekker te kuier en met groot verantwoordelikheid op te tree. Hulle ouers behoort baie windgat te voel. Hul geld word beslis nie gemors nie.

Ons kuier regtig lekker in die "city of Lights of Parys. Eers is Monte Marte besoek en daarna die Eifel toring. Onder die Eifel Toring het ons piekniek gehou en geproe aan die bekende Franse wyne.

Die res van die tyd is in museum, Versailes, straat markte en selfs Euro Disney spandeer.

Ons tweede dag in Parys het die weer nie lekker saam gespeel nie. As iemand gedink het die bietjie koue en nat sou ons jongmense afsit verstaan hy, maar min van Suid-Afrikaanse tieners.
   
Pieter Marais van HS Pearson in Port Elizabeth het Pascal Nel van Wellington as lyfwag aangestel en sy hele haarem na die Paleis Van Versailes geneem. Daar is hard probeer maar tannie se dogter se maniere is darem net te goed. Selfs Pascal se hulp kon hom nie laat regkom nie. Die meisies wil tog so graag na die Moulin Rouge gaan. As pa net 400 Euro wil oorbetaal kan ek altyd probeer om dit as aas te gebruik.